بسم الله الرحمن الرحيم
كل عيد وانتوا بخير دايما
كل واحدة هنا تحكيلنا ع موقف غريب او مضحك او اى موقف حصل لها خلال اجازة العيد اللى فاتت
واانا هحكى لكم موقف حصل معايا
ووصلنا....
االموقف عبارة عن تدبيسة اتدبسنا فيها انا واختى وبنت عمى لما خرجنا مع بعض
روحنا وسط البلد فى مصر وكان فى مطعم هناك اسمه (اخر ساعة) دخلنا قعدنا
وبصينا فى المينيو وكنا عايزين ناكل شاورمة وكانت اقل حاجة لسعر الشاورمة كان 8.50 جنيه
قلنا مش مشكله دى فسحة مش بتيجى كل سنة
نادينا الراجل وقلناله ع طلبنا قاال لنا انه هيتضاف 5 جنيه لانه هينزل مع الشاورمة بطاطس مقلية
وبيبسى (مع العلم انه احنا ال3 معانا 50 جنيه بس) وشوية فكة كدة للمواصلات.
االمهم......... سابنا نفكر وقلنا برضو مش مشكله دى فسحة مش بتيجى كل سنة ههههههههههه
وجاب لنا الطلبات ولقيته نزل مع السندوتشات طرشى وازازة مية معدنية كبيرة
انا قلت ان المطعم هنا حلو لانه بينزل حاجات زيادة
المهم... بعد ما اكلنا جينا نقوم وأول ما قمنا ع طول لقيت واحد جه شال المية وكل حاجة كانت ع الترابيزة ونادينا ع الحساب وجات لنا الفاتورة، ببص فيها لقيت الحساب:
52.50 جنيه
انا طبعا اتخضيت وقلت ليه يعنى 52 ؟ لقيته ضاايف ع الحساب تمن الطرشى وازازة المية المعدنية
(مع ان الازازة محدش شرب منها غير اختى شربت يدوب نص كوباية ومحدش لمسها بعد كدة تانى)
انا ماكنتش اعرف انهم بيضيفوا الحاجات دى ع الحساب
اضطرينا طبعا نكمل ع الخمسين جنيه وندفع لانه مش هينفع نفاصل فى تمن فاتورة يعنى !!
هههههههههههههههههه
كنا عايزين نجيب حاجات تانى ونتفسح اكتر بس ال money مكملتش
واختى كانت ماشية طول الطريق زعلانة ع الفلوس اللى راحت
وبس
طولت عليكم
يللا كل واحدة تحكى موقفها